|
|
|
|
|
 |
 |
 Vestmuren Vestmuren er alt som står att av det gamle jødiske tempelet. Bibelen fortel at kong Salomo var den første til å byggje eit tempel for Israels Gud i Jerusalem. Seinare vart tempelet øydelagt, bygd opp att og forandra fleire gonger. Kong Herodes, som du kan lese om i jule-evangeliet, stod for den største utbygginga. Tempelet i Jerusalem vart til eit av dei flottaste i verda. Men det fekk ikkje stå så lenge. Det vart øydelagt av romarane etter eit jødisk opprør i år 70 etter Kristus. Tempelet vart aldri bygd opp att etter dette. Men Vestmuren stod att. I alle år har jødar komme hit for å be, og for å sørgje over det øydelagte tempelet. I gamle dagar vart muren kalla for Klagemuren. Det er alltid fullt av folk ved Vestmuren, særleg på fredag kveld og laurdag. Då er det sabbat, den jødiske helgedagen. Les meir: |
|
|
Kan du sjå Signe? Ho har på seg stråhatt, raud kjole og ryggsekk. Ho har nett passert ein politikontroll-post, på veg inn til den store plassen foran Vestmuren. Dei som er her for å be, får gå heilt bort til muren. Menn og kvinner står på kvar sin stad. Mange stikk små lappar med bøner på, inn mellom steinane. Dei som er her for å sjå, held seg bak eit gjerde litt unna muren.
|
|
      |
|
|
;if (a!=null) a.focus();)
