Rockefeller-museet i Aust-Jerusalem. I kjellaren ligg nesten alle bøkene og fragmenta som er funne i Qumran. Forskarar frå heile verda kjem hit for å studere dei. Signe har ikkje vore der, for samlinga er ikkje open for publikum. Dei fleste bøkene er gått heilt i sund, og dei vert passa svært godt på.

Kvar er "Dødehavsrullane"?

• Museet "Bokas tempel" (Heikal ha-Sefer) i Vest-Jerusalem. Nokre av dei finaste bokrullane er stilte ut her, slik at alle kan få sjå dei.
• Rockefeller-museet i Aust-Jerusalem. Den største og viktigaste samlinga. Her finst nesten alle bøker og fragment frå Qumran.
• Andre museum. Nokre fragment finst i
  • Det arkeologiske museet i Amman, Jordan
  • Orientalsk institutt ved Universitetet i Chicago, USA
  • Nasjonalbiblioteket i Paris, Frankrike
  • Studium Biblicum Fransiscanum, Jerusalem, Israel
• Private samlingar. Nokre få bitar av bøker frå Qumran er i privat eige, mellom anna i den norske Schøyen-samlinga.

Attende til: Museet

Innhald